Alternative

Qatar Airways, linja ajrore më e mirë në botë, nuk do të ofrojë më shërbimin e klasit të parë. Avionët e gjeneratës së ardhshme nuk do t’i kenë sediljet e klasit të parë, sipas shefit Ekzekutiv, Akbar Al Baker.

Në Turqi, ndihma e parë në raste aksidentesh do të jepet nga personel mjekësor që mbërrin në vendngjarje me motor. Motoçikletat kanë zënë vendin e autoambulancave, veçanërisht në zonat ku bllokimi i trafikut është i shpeshtë.

Rreth 60 të tilla u vunë në shërbim të qytetarëve në të gjithë vendin, duke asistuar rreth 500 të tillë.

Motoambulancat kanë një ndihmës mjekësor dhe një teknik të urgjencës mjekësore, të cilët i japin pacientit ndihmën e parë. Motoçikletat-ambulancë kanë pothuajse të gjitha pajisjet e disponueshme.

Në një shënim të vetin, kryeredaktori i gazetës greke, “Kathimerini”, Alexis Papachelas, bën një vëzhgim të rëndësishëm për kohën e sotme politike. Rënia e papritur, kohëzgjatja e shkurtër e atyre që ai I quan Rock Star-ët e politikës. Teksa vë në dukje se gjërat kanë ndryshuar në rrafsh global, Papachelas krahason karrierën e njerëzve si Miterrand, Kohl, Papandreou me politikanët e sotshëm, që në majat e suksesit kalojnë para publikut si të domosdoshëm.

Ka ndërruar jetë në moshën 79 vjeçare, Robert Hansen, ish-zyrtar i Byrosë Federale të Hetimit(FBI) që konsiderohet si njolla më e madhe në historinë e goditjeve të spiunazhit të huaj ndaj ShBA. Mjafton vetëm fakti që veproi 24 vjet pa u pikasur ndonjëherë për të kuptuar jo vetëm dëmin, por edhe trukimin që iu bë FBI-së në administrimin e informacionit të vjelë. 
Hansen u arrestua në vitin 2001 pas kishte lënë dokumente për operativët rusë që e udhëzonin. 
Hansen ishte dënuar me burgim të përjetshëm dhe u gjet i vdekur në qelinë e tij në një burg të Colorados. 

Ambasada e re e Shteteve të Bashkuara të Amerikës në Liban është bërë subjekt diskutimi në vend për shkak të përmasave të jashtëzakonshme të saj. Objekti do të jetë sa 21 fusha futbolli dhe do të kushtojë 1 miliardë dollarë.

A po zhvendoset SHBA në Liban?

citohet një libanez në mdiat sociale.

Rasti unik i një të riu të plagosur gjatë Luftës Civile në Spanjë ka shërbyer si pikë nisjeje për një qasje të re ndaj trurit dhe mënyrës sesi ai funksionon. 25-vjeçari, i cili mbetet anonim, u plagos me plumb në kokë në frontin e Valencias, në Luftën Spanjolle, në vitin 1938.

Dy javë më vonë, ai vuri re një ndryshim tronditës: në kushte të caktuara, ai e shihte botën së prapthi. Në atë kohë, rastin e ndoqi mjeku 28-vjeçar Justo Gonzalo.

Ka ndërruar jetë në moshën 79 vjeçare moderatori i njohur amerikan, Jerry Springer. Ai është i njohur për shown e tij “The Jerry Springer Show” nisur në vitin 1991 dhe vazhdoi për disa dekada. Me 4000 episode, shfaqja kapi vëmendjen e një mase të madhe të publikut për shkak të realizimit të përballjeve bruto mes personazheve të konflikteve sociale të forta.

Në Itali, Ministria e Turizmit ka zgjedhur një personazh aspak të zakontë për fushatën me të cilën promovon turizmin. Venera ka “zbritur” nga piktura e famshme e Botticelli-t, për të bërë selfie në Piazza San Marco në Venecia, xhiro me biçikletë nëpër rrugët e Romës dhe foto teksa ha pica buzë liqenit Como në veri.

Zgjedhja e ministres së Turizmit, Daniela Santanchè, për ta shndërruar Venerën e Botticelli-t në influencer ka hapur një debat të madh. Ndër të parët që e kritikoi spotin ishte nënsekretari për Kulturën, Vittorio Sgarbi.