Znj. Topalli ka skandalizuar Washingtonin, sipas Ambasadorit Arvizu

I intervistuar nga Skënde Minxhozi për revistën Java (intervista e fundit?), Aleksandër Arvizu flet për sotuatën e ditëve të fundit dhe veçon (jo pozitivisht) deputeten Jozefina Topalli.

Thotë Arvizu: “Ishte një deputet i caktuar i PD-së që ulet pranë zotit Berisha në radhën e tretë, faqja e Facebook e të cilit kishte një kopje të retushuar, më duket të ‘The Daily Mirror’. Faqja e gazetës kishte një foto të disa fëmijëve të vrarë me gaz nga Asadi, një foto faktike të masakrës. Faqja e retushuar kishte të njëjtën foto, por fjalët thoshin, ‘radhën e kanë fëmijët shqiptarë’ apo diçka e tillë. Një gjë e tillë është jashtëzakonisht provokuese. Është diçka e paskrupullt. Është e pavend. Thjesht e gabuar dhe kjo ambasadë dhe Uashingtoni u skandalizuam. Dhe unë e vendos një gjë të tillë nëkrah të sigurive që më kishte dhënë zoti Basha vetëm pak ditë më parë, që PD-ja i kuptonte sensitivitetet. Nuk është se thamë ndonjëherë mos protestoni apo mos kritikoni qeverinë; kjo nuk ishte kurrë pjesë e bisedës, por thjesht vendos pranë atë foto drithëruese prej një politikani të lartë të PD-së me atë që zoti Basha më kishte thënë më parë.”

Këtë parathënie, Arvizu e bën për të ritheksuar dhe për të pozicionuar qartë atë që i tha Bashës në intervistë të drejtpërdrejtë, nëse ishte a jo në kontroll.  “Ndaj mendoj se ka qenë pyetje me vend: Je apo jo në kontroll?”” thotë Arvizu, duke mbyllur “kapitullin” për Bashën dhe Topallin.

k.c.