Thashetheme apo të vërteta? Fakti që janë marrë në konsideratë në një takim zyrtar, tregon se diçka ka!

Gazeta DITA ka botuar sot pjesë nga një një material konfidencial që ka qarkulluar mbi disa “direktiva” të Berishës mes besnikëve të tij. Ja disa pika të këtij materiali:

“1. Të mbushet arka e PD se është bosh. 2. Të krijohet info se IM ka takuar SB dhe kanë arritur marrëveshje. 3. Të bllokohen llogaritë e biznesmenëve që kanë mbështetur PS që të mos ketë likuiditet për paga, sa më shumë prej tyre të çohen në prokurori për pastrim parash. 3. Të goditen bizneset dhe individët në Bulqizë që mbështeten PS e LSI. 4. Të goditen njerëzit e JT e RB. 5. Të kërkohet nga baza rikandidim i SB. 6. Prej shtatorit e tutje, jepen orientime për ta çuar vendin në kaos ekonomik – qëllimi: për dy vjet zgjedhje të parakoheshme. 7.Të fshihen projektet dhe infot nga serverat e ministrive që çdo gjë të dorëzohet zero”.

Të vërteta apo thashetheme? Duhet të jenë të vërteta, thuhet në DITA, derisa “disa nga këto pika” janë trajtuar edhe në njoftimin zyrtar të takimit të  sotëm të drejtuesve të koalicionit fitues të 23 qershorit Rama e Meta, ku thuhet: “U shpreh shqetësimi për të dhënat më të fundit që tregojnë se qeveria në detyrë nuk po bën thjesht kujdestarinë dymujore që imponon verdikti plebishitar i 23 qershorit…Administrata të mos përfshihet në veprime antiligjore apo joetike të orës së fundit  – thuhet në njoftimin për shtyp mbi takimin Rama-Meta.

Më tepër: http://gazetadita.al/28-qershor-2013/