Tahiri flet për kompani private ajrore që blen 1 votë me 1 biletë dhe u kujton se do të mbajnë përgjegjësi pas zgjedhjeve

“Djemtë dhe vajzat, motrat, vëllezërit, kunetërit, baxhanakët e pushtetit të Saliut në selitë diplomatike shqiptare kanë filluar të ofrojnë bileta falas për emigrantët e studentët shqiptarë, duke i detyruar të votojnë për Sali Berishën dhe ta provojnë këtë duke fotografuar votën e tyre”

Kjo është deklarata e Saimir Tahirit për mediat, që nuk thotë ndonjë gjë të re, sepse zëra për 1 votë = 1 biletë janë dëgjuar edhe zgjedhjet e kaluara. Bëhet fjalë për emigrantë që u ofrohet mundësia falas të vijnë të votojnë PD-në (me dëshmi fotografimin e votës).

Tahiri më tej ai nuk nguron që të kërcënojë (kjo është fjala e përdorur nga “Mapo” që raporton lajmin) direkt në radhë të parë vetë kompaninë private ajrore, trupin diplomatik dhe të gjithë ata që po organizojnë këtë gjë, se do të mbajnë përgjegjësi direkte pas zgjedhjeve për keqpërdorim të parave të shqiptarëve dhe manipulim të vullnetit të zgjedhësve.

Lexuesit e Respublicas janë të lutur të denoncojnë çdo përvojë personale të “blerjes” së votës në çfarëdo mënyre, qoftë përmes biletash false, lopësh, thasësh, apo kartëmonedhash.

k.c.