Stili “catwoman” i Rosie Huntington

Ajo është një nga modelet më të famshme në botë. Rosie Huntington provoi sërish se çdo rrethanë në të cilën ndodhet mund ta kthejë në magnet për fotografët.

Bukuroshja 26-vjeçare u fotografua të mërkurën në rrugët e Nju Jorkut, e veshur në stil “catwoman”, me xhinse të gjata e të ngushta, një T-shirt të bardhë dhe një xhaketë moderne të zezë. Looku i Rosie përfundonte me një palë çizme po të zeza që arrinin deri tek kyçi dhe me një çantë luksoze ngjyrë khaki, për të mos harruar syzet e errëta. Në këtë mënyrë, modelja konfirmon atë që tha më herët gjatë javës, se modelet nuk duhet të anojnë gjithnjë e më shumë tek tualeti, por tek thjeshtësia.