Skënder Minxhozi: Kam përshtypjen se Rama dhe Meta e kanë zgjidhur mes tyre çështjen e kryeministrit”

Në një intervistë te DITA, Skënder Minxhozi analizon fushatën deri më tani dhe vëren që “diçka po konfirmohet pa mëdyshje këto orë”, dhe kjo gjë është aftësia e Berishës për të fituar pikë në fazën përmbyllëse të fushatës, e cila “duket e kompromentuar rëndë.” Duke krahasuar me zgjedhjet e shkuara, Minxhozi, i intervistuar nga Xhevdet Shehu,  kujton se në fillim të vitit 2009 opozita ndodhej, sipas sondazheve të kohës, diku tek 6 pikët përpara. Ky avantazh erdhi duke u ngushtuar me kalimin e muajve, derisa thuajse u bë zero në qershor të atij viti. “...kësaj radhe është ndryshe. Qeveria e ka të vështirë të jetë bindëse, kryeministri duket i lodhur dhe pa argumenta, ai ofron edhe një herë atë që ka ofruar më 2005 dhe 2009, realizimet e qeverisjes nuk përkojnë me fjalimet e oratorëve të saj dhe zgjedhësi ndjehet i ftohtë përballë mundësisë së një mandati të tretë të së djathtës. Shihet hapur se në fushatë ka vetëm një njeri që dëshiron me mish e me shpirt fitoren. Ky është kryeministri Berisha dhe në krah i qëndrojnë një tufë ministrash dhe deputetësh që bëjnë “gjoja” përgjigjet Minxhozi.

Sa për çështjen e “Kryeministrit” Minxhozi  e izolon atë vetëm te Naço, si një bombë tymuese “lokale”: “E keni dëgjuar ta hedhë idenë e Metës kryeministër ndonjë kandidat tjetër i LSI në qarqet e tjera? Aspak! Madje Lefter Koka la të kuptohet, për shembull, pak orë pas daljes së Naços, se posti i kryeministri i takonte PS. Asnjë nga eksponentët e tjerë të LSI në fushatë nuk e ka hedhur këtë ide.”

Ne.Su.

E plotë:

http://gazetadita.al/berisha-eshte-i-lodhur-rama-meta-nuk-po-krijojne-dallgen-elektorale/