Shteti i Berishës: Shikojeni targën e kësaj makine!

Hahahaha! Vetëm kështu mund të fillohet një “shënim” mbi një foto si kjo që e shoqëron shënimin vetë. Është një makinë që në vend të targës ka sloganin elektoral të koalicionit të kryesuar nga PD-ja *Në Tema online gjenden dhe foto të tjera të së njëjtës makinë). “Ne jemi ndryshimi. Përpara!”, është shkruar në targën e mbrapme të kësaj makine, që duket e mirë, e re, dhe e shtrenjtë.

Dhe kjo makinë nuk është në garazhin e ndonjërit, as e parkuar në oborrin e ndonjë shtëpie private në ndonjë fshat. Nuk është as e parkuar në ndonjë rrugë qorre në periferi të Tiranës. Jo, duket se është në mes të trafikut të madh të metropolit, gjë që të bën të mendosh se nuk ka se si t’i ketë shpëtuar syrit të patrullave të policisë që na janë bërë halë në sy ne të tjerëve. Dhe me siguri, s’e ka ndaluar kush. E kush do guxonte ta bënte këtë gjë?

Në fillim e nisëm duke qeshur. Por në fakt është për të qarë.

M.N.