Shpërthim lëvdatash për Berishën. “Ne të duam, Ti je lideri ynë”, i thotë Flamur Noka

Ka filluar gara për kreun e ri të PD-së, dhe të gjithë eksponentët e kësaj partie janë vënë në garë kush e kush të lavdërojë më shumë Sali Berishën. Disa edhe duke refuzuar kandidimin. Fjala vjen, Ridvan Bode thotë: “Unë kam 16 vjet që jam sekretar i përgjthshëm i PD-së, një nga bashkëpunëtorët më të afërt të kryetarit Sali Berisha. Ka qenë një kënaqësi dhe një fat i madh për mua që kam bashkëpunuar me të në ditë të vështira dhe ditë të mira.”

Topalli nuk lë rast pa nënvizuar madhështinë e Berishës. Pas humbjes shkruajti diçka në facebook, ndërsa sot, pasi përgënjeshtroi idenë se ajo është kandidate, u shpreh: “Kam qenë me fat dhe fatlume që kam bashkëpunuar me Sali Berishën, i cili është arkitekti i Shqipërisë moderne, lideri historik i Shqipërisë demokratike dhe kjo është gjëja që më bën krenare dhe të qëndroj me kokën lart.”

Ndërsa Flamur Noka, fllimisht thotë se “iu është mirënjohës atyre zgjedhësve, banorëve të mrekullueshëm të qarkut të Kukësit që kanë mbështetur alternativën e Sali Berishes dhe më kanë dhënë besim”, e pastaj e mban frymën te kompjuteri, ku shkruan për Berishën në facebook gjëra si më poshtë:

Lider që solli demokracinë në vend.

Lider që ngriti flamurin tonë përkrah vendeve të tjera të NATO-s.

Lider që bashkoi popullin shqiptar nëpërmjet RRUGËS SË KOMBIT.

Libër që bashkoi shumë e shumë familje shqiptare me LIBERALIZIMIN E VIZAVE.

…..

Lider që ngriti ndjeshëm turizmin shqiptar.

Lider që bashkoi Elbasanin me Tiranën.

Lider QË U TRADHTUA NGA TË MIRAT QË I BËRI KËTIJ POPULLI.

Lider që kurrë nuk do të harrohet.

Lider si Ty nuk vjen me Sali Berisha

Ne ty të duam. Ti je lideri ynë.”

P.S. Gërmat kapitale janë të autorit.

Re.Pu.