SHBA: Armët kimike, shans i humbur për Shqipërinë. Por përgjegjësi kanë të dyja qeveritë

Nuk ka kaluar shumë kohë nga intervista e Kryeministrit Edi Rama për çështjen e armëve kimike dhe dy zyrtarë amerikanë kanë dalë të sqarojnë edhe njëherë përfitimet e mundshme të Shqipërisë. Zëri i Amerikës intervistoi sot ish-ambasadorin e Shteteve të Bashkuara në NATO, Kurt Volker dhe ish-zëvendësndihmës Sekretarin amerikan të Mbrojtjes, Ian Brzezinski. Deklarimet e tyre ishin shumë të qarta dhe ato më shumë mëshonin te pretendimi i SHBA-së për ndihmë nga ana e Shqipërisë, sesa te pasojat në marrëdhëniet dypalëshe. “Është një shans i humbur, sepse një vend si Shqipëria nuk e ka çdo ditë rastin që të thellojë dhe forcojë marrëdhëniet e saj në mënyrë të konsiderueshme me një vend si Shtetet e Bashkuara. Nëse do që të gëzosh më shumë fryte nga një marrëdhenie, duhet të kontribuosh më shumë”, tha Brzezinski. Kurse Volker ka shtuar se “kjo nuk ka të bëjë fare me marrëdhëniet mes Shteteve të Bashkuara dhe Shqipërisë. Çështja është se ç’të bëjmë me këto armë kimike”. Pse nuk pranoi atëherë Shqipëria? Përgjigja duket se është e njëjtë: Menaxhimi i publikut duhej bërë ndryshe, pra ai duhej informuar. “Mendoj se si qeveria amerikane, ashtu edhe qeveria shqiptare mund ta kishin menaxhuar më mirë këtë çështje”, deklaroi Brzezinski.

Më shumë në: http://www.zeriamerikes.com/content/albania-chemical-weapons-volker-brzezinski/1794920.html

s.z