Shënim retrospektiv

Në datën 24 shkurt të këtij viti, kam botuar në respublica.al një shkrim me titull “Kritik ndaj Edi Ramës, pas 23 qershorit”. Në të shkruaja:

“Në fjalën që mbajti në darkën me rastin e zgjedhjes Zv.president i Internacionales Socialiste, Edi Rama tha se do t’i mirëpresë kritikat e analistëve dhe editorialistëve të pavarur pas 23 qershorit, kur PS-ja të vijë në pushtet. Dhe unë po e shënoj që sot emrin në listën e atyre që do të jenë kritikë ndaj tij, nëse PS-ja vjen në pushtet. Por edhe në qoftë se s’vjen…

 Do të jem kritik ndaj Ramës, nëse PS-ja vjen në pushtet, sepse jam i bindur se jo të gjitha ato që sot ai premton do të realizohen nesër – programet elektorale zakonisht shkruhen në vargje, ndërsa qeverisja shkruhet në prozë. Por nëse PS-ja vjen në pushtet, do të jem kritik ndaj Ramës edhe për një arsye më thelbësore – sepse jam një partizan i palëkundur i rrotacionit periodik të pushtetit nëpërmjet zgjedhjeve demokratike. Dhe prandaj do të përpiqem të ndihmoj me gjithçka që mundem për një rrotacion eventual të pushtetit pas 4 vjetësh, në mos, pas 8 vjetësh.”

Këto rreshta i kam shkruar duke presupozuar se Berisha, pas humbjes, do të merrej vetëm me shkrimin e kujtimeve të tij…

I plotë shkrimi: http://www.respublica.al/opinion/2013/02/24/kritik-ndaj-edi-rames-pas-23-qershorit

E.Zaloshnja