Rama dhe Basha, qartësisht të ndarë për rrugën ekonomike të vendit

Mazhoranca dhe opozita ndahen qartësisht lidhur me situatën ekonomike që po kalon vendi. Qëndrimet mbi këtë temë janë bërë objekt kryesor edhe i fjalimeve në aktivitetet që organizohen për prezantimin e kandidatëve për zgjedhjet e 21 qershorit. Nga Malësia e Madhe dhe Puka ku u prezantuan kandidatët, Basha tha se vendi po shkon drejt përkeqësimit ekonomik. “Shqipëria po ecën drejt humnerës ekonomike. Rritja e taksave, mosmbajtja e premtimeve për vende të reja pune, shkatërrimi i perspektivës së rinisë, gjobat, rritja e çmimit të energjisë, por mbi të gjitha arroganca, mashtrimi, shpërfillja dhe poshtërimi që dyshja Rama-Meta dhe bandat që i rrethojnë i bëjnë popullit të tyre, janë rrënjët e së keqes, janë shkaqet e vërteta të eksodit, shkaqet e vërteta të krizës ekonomike dhe gjithanshme” deklaroi Basha.

http://www.top-channel.tv/lajme/

Ndryshe nga kreu i opozitës, ai i mazhorancës flet për një situatë tjetër. Ndërsa prezantoi në Gjirokastër kandidatet për kryetare bashkie, Rama u ndal tek projektet e transformimit, që sipas tij, do t’I japin fund varfërisë në qytete. “Gjirokastra është e të gjithë shqiptarëve dhe jemi shumë të vendosur që projektin e transformimit të Gjirokastrës ta çojmë deri në fund dhe që Girokastra të jetë një zonë pa varfëri. I ka të gjitha mundësitë që të jetë e tillë. Ky qytet ka pasuri që duhet t’i kthejmë në burim mirëqenieje për qytetarët e saj”, tha Rama.

http://www.top-channel.tv/lajme/

n.k