PS merr të gjithë kristiandemokratët. Ndoka firmos me Ramën, po ashtu dhe Zef Bushati

Ndërsa mbetet në pikëpyetje konkretizimi i marrëveshjes mes PS-së dhe dy aleatëve të vjetër të saj, Partisë Socialdemokrate e Skënder Gjinushit dhe Demokracisë Sociale e Paskal Milos, një tjetër aleat braktis koalicionin e djathtë dhe i bashkohet mazhorancës. Kreu i PDK Nard Ndoka firmosi këtë të hënë marrëveshjen e bashkëpunimit me PS për të hyrë së bashku në zgjedhjet lokale të 21 Qershorit. Edhe largimi i Ndokës ashtu si me PDIU-në e Shpëtim Idrizit, nuk do të jetë vetëm për këto zgjedhje, por në nivel qendror.  

“Partia Demokratike nuk krijoi asnjë hapësirë për PDK-në në zgjedhjet lokale”, ka thënë Ndoka, aktualisht deputet në Kuvend nga lista e PD-së në qarkun Shkodër. Ndërkohë, po sot kreu i PS Edi Rama nënshkroi marrëveshjen e koalicionit në këto zgjedhje edhe me kreun e Aleancës Demokristian Zef Bushati, duke e çuar në 42 numrin e partive që janë pjesë e koalicionit të majtë.

 a.k