Presidenti serb flet me gjuhën e të fortit. Nikoliç: "Shqiptarët duan të destabilizojnë rajonin, do ketë viktima nëse provokojnë prapë"

Zyra e presidentit serb Tomisllav Nikoliç ka bërë një deklaratë tepër të fortë lidhur me ngjarjet e djeshme në stadiumin e Beogradit. Ajo akuzon shqiptarët për incidentin me flamurin e Shqipërisë së Madhe, duke thënë se organizatorët kishin për qëllim destabilimin e Serbisë dhe gjithë rajonit

Duke dënuar ngjarjet e dhunshme presidenti Nikoliç kërkon nga organet e sigurisë në Serbi ta marrin këtë si një paralajmërim të fundit, pasi nëse ngjarje të tilla përsëriten mund të ketë viktima.

“Aktivitetet sportive nuk mund të përdoren për të promovuar mesazhe politike”,  thuhet në deklaratë  ndërsa nënvizohet se provokimi me Shqipërinë e madhe ishte e pritshme që të  shkaktonte një reagim të tillë jo vetëm në stadium, por tek i gjithë populli serb.

“ Pas sulmit mbi që iu bë miqësisë shqiptaro-serbe është e dukshme se Shqipëria do të dojë dekada, në mos shekuj për t’u bërë një vend normal dhe pa urrejtje për serbët”, - thuhet në deklaratën zyrtare të presidencës serbe.

http://www.tanjug.rs/novosti/149230/nikolic--incident-s-name...

l.m