Pasuria e deklaruar, të zgjedhurit e popullit tallen edhe vetë me varfërinë zyrtare të njëri-tjetrit

Gazetat kanë publikuar sot deklaratat e pasurisë së ministrave dhe politikanëve kryesorë. Konkluzioni që del, po të heqim Lefter Kokën, Arben Ahmetajn dhe Ridvan Boden, është se kemi qeveritarë dhe politikanë që e shtyjnë me rrogë. Por edhe kursimtarë të zotë, nisur nga rroga që kanë. Çështja është bërë temë diskutimi edhe sot në Parlament; p.sh deputeti Taulant Balla ka akuzuar ish-kryeministrin Sali Berisha, i “përndjekur” për një kohë të gjatë nga nami i njeriut të ndershëm, se ka një vilë në Gjirin e Lalëzit. Madje sipas Ballës, e ka vilën më të madhe se Shtëpia e Bardhë. Nuk ka përgjigje për këto çështje, pasi në përgjithësi, parimi që udhëheq tallavanë paralamentare është: ne shtrojmë pyetje, përgjigjet i jep historia. Në vëmendje ka ardhur edhe kandidatja e PD-së në Durrës, Grida Duma, që paska deklaruar se rri me qera te daja në Durrës. Kuptohet në funksion të zgjedhjeve kjo. Rromuzi vonon, por nuk harron. Në vetë parë kryeministri: “Normal, s’ka problem. Ka të drejtën e vet t’i japë qeranë dajës. Ka të drejtën e vet të flejë me kalamajtë e dajës, ose poshtë krevatit të dajës”.
s.z