Ndryshime ligjore për komentet online: Do të fshihen ato që kanë përmbajtje fyese, sidomos ndaj grave dhe vajzave

Në Komisionin e Ligjeve po diskutohet sot nisma për disa ndryshime në Kodin Civil, sipas të cilave portalet online, apo edhe faqet online të gazetave, do të detyrohen të fshijnë në kohë komentet me përmbajtje fyese dhe denigruese. Sidomos ndaj grave dhe vajzave. Nisma është marrë nga deputetja Majlinda Bregu, e cila bashkë me demokraten tjetër Mesila Doda janë përfshirë në aktivitete që synojnë promovimin e barazisë gjinore apo edhe të të drejtave të gruas.