Ndërhyrje në kompjuterin e Artan Bajraktarit- trillim apo e vërtetë? Berisha publikon një mesazh që thotë se i ka ardhur nga një punonjës i Ministrisë së Brendshme

Artan Didi dhe Sajmir Tahiri mohuan të jenë informuar nga ish-shefi i Interpol Tiranës, Artan Bajraktari për udhër-arrestin e ardhur nga Belgjika për deputetin mark Frroku, i akuzuar për vrasjen e Aleksandër Kurtit në vitin 199 në Belgjikë. Madje ish-drejtori Didi tha se nuk ishte njohur përmes praktikës zyrtare me urdhrin në fjalë, ndërkohë që pas seancës së Gjykatës së Shkallës së Parë ku iu komunikua masa e sigurisë “detyrim paraqitje” shefit të Interpol Tiranës, avokati i tij tha se  kërkesa e Prokurorisë u bazua në një sistem email-esh që Bajraktari u kishte dërguar eprorëve të tij. Vërtetësinë e ekzistencës së këtyre emaileve e pretendon edhe ish-kryeministri Berisha nisur nga një mesazh që sipas tij i ka dërguar një punonjës i Ministrisë së Brendshme për tentativën e ministrit të Brendshëm për të fshirë postën elektronike mes Bajraktarit dhe eprorëve të tij. Më poshtë po ju përcjellim këtë mesazh që ish-kryeministri e ka postuar edhe në faqen e tij në facebook.  "I nderuar zoti Berisha. Në këto momente që po të shkruaj, në kompjuterin e z. Artan Bajraktari shef i Interpol Tiranës është ulur me urdhër të Sajmir Tahirit specialisti i IT dhe po formaton hardiskun e zotit Bajraktari me qëllim fshirjen e të gjithë të dhënave dhe korrespodences që ky drejtues policie ka mbajtur me titullarët e tij.  Njëkohësisht mund të ndërhyet edhe në serverin qëndror me qëllim fshirjen e gjurmëve të krimit të Artan Didit dhe Sajmir Tahirit. Ju lutem denoncoheni sa më parë këtë akt dhe bëjini  thirrje prokurorisë për hetim të thelluar të këtij krimi shtetëror. Me respekt. Ju lutem për të tjerët duhet të mbetem për momentin anonim”-përfundon mesazhi. Trllim apo e vërtetë, ndoshta mund të jetë prokuroria që mund ta zbardhë këtë pretendim.

l.m