Mbledhja e deputetëve, Basha rreket të bindë të vetët se sido që të jetë, Rama mbetet mashtrues

Në mbledhjen e grupit parlamentar demokrat, kryetari i Partisë Demokratike Lulzim Basha u deklaroi deputetëve të vet se opozita ishte në anën e duhur të çështjes së shkatërrimit të lëndëve kimike siriane. Basha falenderoi “qytetarët dhe rininë që u bënë barrikadë e pakapërcyeshme për armët kimike”, dhe akuzoi kreun e qeverisë, Edi Rama, për tërheqje prej mashtruesi nga projekti për sjelljen e armëve kimike të Sirisë në vendin tonë. Sipas Bashës, këtë projekt, nëse realizohej, Rama do ta bënte vetëm për interesa ngushtësisht personale e në kurriz të vendit. Me fjalë të tjera, Rama për retorikën e PD-së është mashtrues pse u tërhoq, dhe përfitues i ngushtë nëse nuk do tërhiqej. Por zor se deputetët demokratë janë bindur nga artikulimi i Bashës, pasi siç pohon shtypi i sotëm, brenda partisë ka pakënaqësira për mënyrën sesi kryetari e menaxhoi këtë çështje. Sidomos, kundrejt partnerëve amerikanë.  

a.k