Leka Bungo: “Situatë e rëndë, truproja gjithandej …. Ndërkohë që koha është shumë e bukur”

Pëllumb Kulla kthehet në Shqipëri me një dramë të re me titull “Shshsh, ule zwrin!”, të cilën e ka vënë fillimisht, si gjithnjë, në skenën e teatrit të Fierit. Dhe regjizorin nuk e ka bërë vetë. “Ka marrë” po nga Amerika Leka Bungon për ta bërë këtë gjë. Shfaqja e ka kaluar provën e Fierit (tok me aktorët e qytetit myzeqar, janë ftuar për të luajtur dhe Robert Ndrenika e Viktor Zhusti), dhe në fund do të jepet për tri netë me radhë në teatrin kombëtar, nw sallën ‘Kadri Roshi’.

Leka Bungo, që i mungon prej vitesh skenës e teatrit shqiptar, është gjendur nën “agresionin” e gazetarëve, të cilët kanë dashur t’i marrin intervista. Bungo s’ua ka prishur disave syresh, e në këto intervista ai nuk flet vetëm për shfaqjen. Thotë dhe “gjëra politike”.

Në Panoramën e sotme, fjala vjen, pyetjes, se “pse jeni kthyer në Shqipëri?”, Bungo i përgjigjet: “Erdha para 10 vjetësh me shpresë se do punoja në ndonjë televizion, në profesionin tim. Shkova në një television, dhe atje thanë: Pu, pu, pu, ky është klyshi i Saliut. Epo thashë me vete, po iki tek ndonjë television tjetër. Por dhe andej thanë: Ky është tradhëtar i Sali Berishës. Kështu që pashë ç’pashë, u ktheva atje ku s’të thotë njeri tradhëtar.”

Dhe vijon: “Është një situatë e rëndë. Shoh truproja në parlament, në rrugë, …. të kujtojnë Kilin, … çudi e madhe …. Ndërkohë që këtu është kohë shumë e bukur”.

Re.Pu.