Lajm i keq: Shqipëria ulet nga B+ në B, dmth, se e ka të vështirë të marrë boxh në tregjet ndërkombëtare

Është vështirësuar akoma më shumë shansi që Shqipëria të marrë borxh në tregjet ndërkombëtare. Një nga tre agjencitë e mëdha të vlerësimit të aftësisë borxhshlyese ka vendosur të ulë parashikimin për Shqipërinë. Një ditë më parë “Standard and Poor’s” njoftoi se e ka ulur vlerësimin për borxhin publik të Shqipërisë nga B+ në B, për shkak të rritjes së fortë të detyrimeve të qeverisë dhe devijimit të tyre nga parashikimet e mëparshme prej 58 për qind në 67 përqind e Prodhimit Kombëtar. Sipas gjigantit ndërkombëtar të financave, kjo rritje e borxhit erdhi për shkak të përdorimit elektoral të buxhetit në periudhën para zgjedhjeve dhe njohjes së detyrimeve të prapambetura nga qeveria e re, të cilat vlerësohen në masën 4 për qind e Prodhimit Kombëtar. Nota negative do të thotë rritje e rreziqeve financiare.  Shqipëria ka marrë borxh, nëpërmjet një “eurobond”-i në tregjet ndërkombëtare, çka do të thotë se pas këtij zhvlerësimi mund të rishikohen normat e interesit me tendencë rritje.

Megjithatë, duket se pas këtij lajmi, ajo që ka fërkuar duart ka qenë Partia Demokratike, e cila ka disa muaj që e ka lënë pushtetin. Deputeti i PD, Sherefedin Shehu, tha: “Ky vlerësim, për fat të keq, do të pengojë ardhjen e investimeve të reja dhe do të nxisë largimin e investitorëve të huaj nga Shqipëria. Nga ana tjetër, ai do të rrisë interesin e kredive që do të marrë qeveria dhe do të bëjë që taksat e shqiptareve, në vend që të përdoren për investimeve publike, do të shkojnë për financimin e kostos së rritur të borxhit”.

Zh.