Kuvendi voton me 113 vota pro arrestimit të deputetit Mark Frroku

Në ndryshim nga rasti i Tom Doshit, Partia Demokratike ka votuar pro kërkesës së prokurorisë për arrestimin e deputetit Mark Frroku. Votimi i sotshëm në seancë ka qenë thuajse unanim: 113 vota pro kërkesës, 2 vota kundër dhe 2 abstenim. Frroku ka qenë i pranishëm në seancë, madje edhe ka folur aty. Ai ka deklaruar se do ta ndjekë çështjen deri në Strasburg.