KQZ detyron TV-të të transmetojnë kasetat e parapregatitura në shtabet e partive!

KQZ merr një vendim në mbrojtje të manipulimit të së vërtetës, dhe këtë e ka bërë përmes vendimit që I detyron televizionet të transmetojnë kasetat e gatshme të pregatitura nga shtabet partiake.

Materialet e montuara shpesh janë plot me manipulime që nga ato më finet e deri te ato më të trashat. Ky manipulim nuk i lejon zgjedhësit të informohet qartë për fushatën. Rasti më ekstrem është ai i një pedagogeje në Universitetin e Tiranës që në zgjedhjet e fundit lokale e quajti kandidatin Basha “vrasës”, dhe asnjë media nuk mundi ta filmonte sepse fushata e Bashës funksiononte me “kaseta” të gatshme. Publiku u detyrua të informohej me xhirime amatore të bëra me celular (edhe ato vjedhurazi). KQZ pretendon se Bordi i Medias (ku shumicën e ka maxhoranca, sikurse dhe në KQZ) mund ët marrë një vendim nëse materiali është i transmetueshëm apo jo (!!!)

Vendimi:

“Në rast se operatori refuzon të transmetojë materialet e përgatitura nga vetë subjekti zgjedhor, operatori njofton menjëherë dhe ia vë në dispozicion menjëherë Bordit të Monitorimit të Medias këto materiale për t’i verifikuar. Bordi i monitorimit të Medias vlerëson materialin dhe i propozon raportin përkatës për miratim KQZ-së brenda 12 orëve. BMM nëse vlerëson se materiali plotëson kriteret teknike i propozon KQZ-së transmetimin e materialit nga operatori, në përputhje me rregullat e Kodit Zgjedhor dhe akteve të KQZ-së. BMM nëse vlerëson se ky material nuk i plotëson kriteret teknike i propozon KQZ-së kthimin e materialit subjektit zgjedhor. KQZ merr vendim brenda 24 orëve në lidhje me propozimin e BMM. BMM monitoron zbatimin e vendimit të KQZ-së”, thuhet në vendimin e KQZ-së.”

k.c.