Kokëdhima mbështet 38 vjeçaren Koka në Sarandë, në vend të kreut aktual Çipa. “Flet tre gjuhë të huaja”

Gazeta “Shekulli” e deputetit Koço Kokëdhima citon burime jozyrtare nga strukturat lokale të PS-së së Sarandës, sipas të cilave në Bashkinë Sarandë PS do kandidojë 38-vjeçaren Florjana Koka. Me fjalë të tjera, duket se Kokëdhima është për kandidaturën e Kokës kundrejt kryebashkiakut aktual Stefan Çipa. CV e kandidates, sipas gazetës, përfshin “ka studiuar gazetari me rezultatet të shkëlqyera dhe flet tre gjuhë të huaja”, ndërsa ka mbajtur më parë detyrën e drejtoreshës se Burimeve Njerëzore në Bashki. Vetë Koka ka dhënë edhe një deklaratë tipike fushate për “Shekullin”, ku thotë se “jam shumë e qartë për atë çfarë mendoj të bëj nesër si kryetare e ardhshme e Bashkisë së Sarandës, një detyrë që e konsideroj si detyrën më të lartë në shërbim të komunitetit, të cilën angazhohem ta kryej me përgjegjshmëri, me qytetari dhe veçanërisht me respekt të plotë për çdo qytetar të Bashkisë së Sarandës, nga ai më i thjeshti dhe më i varfëri, deri tek biznesmeni më i fuqishëm”.

a.k