Ia vlen gjithë kjo zhurmë për kryeministrin e ardhshëm?

Gazetarëve u ka pëlqyer shumë fabula që ka për personazh Ilir Metën si kryeministër. Mbrëmë është folur për këtë ngjarje në të gjitha sitet online, në mbrëmje është diskutuar edhe në programin Shqip të Top-channelit, ku ishin të ftuar analistët Nazarko (Shpëtim), Minxhozi, Hoxha (Artan) dhe Krasniqi. Ndërsa sot është shndërruar në lajm kryesor në të gjtiha gazetat. Dhe raportimi është i plotë, dmth fillon me deklaratën e Naços në Berat, vijon me përgjigjet e Ramës e të Metës në Tiranë, me përgënjeshtrimin e Lefter Kokës në Durrës, me ripohimin e të njëjtës gjë në Berat nga Naço, e në fund shoqërohet me prononcime të shumë politikanëve të majtë. Madje, edhe të djathtët janë apasionuar ca si shumë pas këtij debati, duke e pranuar nënkuptimin e premisën mbi të cilën ngrihet debati, dmth humbjen e Berishës, gjë që e nënvizonte Nazarko (Mentor) në një koment të tijin mbi këtë argument, të publikuar te Panorama.

Pyetje: Ia vlen vallë gjithë kjo zhurmë për një çështje të tillë?

Re.Pu.