Heqja e 3 gjeneralëve, strategji për të përdorur FA në rast humbjeje nga Berisha? Ndreca mendon që “asht e mundshme”

Në një editorial te Tema, Ardian Ndreca e sheh çështjen e 3 gjeneralëve si një moment për t’u shqetësuar nga ndonjë skenar i mbrapshtë për të futur në lojë Forcat e Armatosura në rast se Kryeministri humbet zgjedhjet.

“Shkarkimi nga detyra e ushtarakëve të naltë vetëm pak ditë para zgjedhjeve asht nji sinjal alarmit për sigurinë kombtare dhe për të gjitha institucionet shtetnore. Mos ndoshta Sali Berisha po kërkon me lanë në krye të FA njerëz që janë tregue vazhdimisht të gatshëm me veprue në kundërshtim me ligjin themelor të Republikës në mënyrë që me pasë dorë të lirë për me i përdorë në rast të humbjes së zgjedhjeve?!”

Ndreca e konsideron as më pak e as më shumë këtë lëvizje si një fitore të anti-shtetit, e që nuk bën gjë tjetër veçse u hap rrugën atyre që duan ta shohin Shqipërinë të gjunjëzuar:

“Edhe kësaj here në përballjen mes Shtetit dhe antishtetit, fitoi ky i fundit, triumfuen përkohsisht bajraktarët e antishtetit: Sali Berisha, Arben Imami, Bujar Nishani, Xhemal Gjunkshi me shokë. Fituen ata që me anë të korrupsionit e të dobësimit të sovranitetit duen me e çue punën deri atje sa Shqipnia të gjunjëzohet edhe prej shasmeve (saçmeve) të atyne që nuk na e duen të mirën.”

“Duke shpresuar që në mendjen e tij mbrapshtane [Sali Berishës] mos të kenë ba fole skenare të tilla të errta” Ndreca konsideron se ngjarja em gjeneralët “asht nji arsye ma tepër për mos me e votue ketë individ që asht kthye në simbol të antishtetit.”

k.c.

i plotë:

http://www.gazetatema.net/web/2013/06/02/shteti-dhe-antishteti-rasti-i-gjeneral-aleksander-lleshit/