Fazë e re në marrëdhëniet Shqipëri-Serbi. Një shkollë për fëmijët serbë në Hamil të Fierit dhe së shpejti një stërvitje e përbashkët shumëpalëshe

Bashkëpunimi me Serbinë duket se do të njohë përmasa të reja. Vizita e paralajmëruar e kryeministrit Edi Rama në Beograd, është “paraprirë” nga disa zhvillime që lidhen marrëdhëniet Shqipëri-Serbi. Konkretisht, pak ditë më parë është hapur në fshatin Hamil të Fierit një shkollë për fëmijët e pakicës serbe.(http://www.zeri.info/artikulli/21403/hapet-shkolla-e-pare-serbe-ne-fier). Në ceremoni ka marrë pjesë edhe ambasadori i Serbisë në Tiranë, Miroljub Zariç, i cili ka bërë të ditur se shkollën do ta frekuentojnë 100 nxënës. Në fakt pretendimi i Serbisë për një komunitet serbësh në Fier ka provokuar debate dy vjet më parë, por përgjigja e politikës shqiptare asokohe ishte se të vërtetën për këtë gjë do ta jepte Censusi i viti 2011. Ndërkohë një tjetër zhvillim vjen nga fusha e sigurisë rajonale. Kështu, për herë të parë pas shumë kohësh, forcat ushtarake shqiptare do të zhvillojnë një stërvitje të përbashkët me forcat serbe, kuptohet në kuadër të një bashkëpunimi shumëpalësh. Lajmin e bën të ditur agjencia serbe “Tanjug”, e cila përcjell edhe disa detaje. Vendi i zhvillimit të stërvitjes “Platinum Wolf 2014" do të jetë Luigina e Preshevës, më saktë Bujanovci ku ka prezencë shqiptare. Ajo është pjesë e raporteve mes SHBA-ve, Kartës së Adriatikut dhe Serbisë në funksion të një dimensioni të ri të sigurisë në rajon.(Linku: http://tanjug.rs/news/106830/serbian-army-announces-military...)

s.z