"Epopeja” e koalicionit qeverisës në vargje, Arben Duka: “Zot-o zot më duket/kaq e varfër pena/kur shkruaj e shkruaj/për këta legena!”

Kur kryeministri aktual Edi Rama, shpalli koalicionin zgjedhor në vitin 2013, ai njoftoi një kriter të ri edhe për shpërndarjen e pushtetit që do të pasonte nëse do të arrinin fitore. Partitë aleate të PS-së, do të duhet të merrnin 10 000 vota që të mund të pretendonin përfaqësim. Koha e provoi fitues koalicionin e drejtuar nga PS-ja, por që pavarësisht kësaj, së fundmi është përçarë teksa dy aleatë të vjetër, Skënder Gjinushi dhe Paskal Milo, janë larguar. Të dy kanë deklaruar se PS-ja, posaçërisht kryeministri, nuk i janë përmbajtur marrëveshjes dhe nuk kanë pranuar të ndajnë pushtet. Arben Duka, poeti që ka fshikulluar qeverinë e dikurshme, ka disa vargje për këtë sjellje të socialistëve dhe sidomos për afrimin me PDIU-në, që është salvaxhentja e PS-së ndaj LSI-së në llogaritë parlamentare. Ja se çfarë thotë Duka: “Gjinushi dhe Milua/dhe Dojaka vanë/sepse politika/këtu është putanë! Po me bojë të zezë/u qe shkruar fati/gjer tani të gjatin/u ka dhënë i Gjati! Pse gënjeu Rama?!/Fillin dot s’e kap/se këtu ka pasur/pushtet pa hesap!”. Me sa duket edhe për një optimist të projektit të drejtuar nga Edi Rama, si poeti Arben Duka, ka mbetur vetëm të kthehesh nga Zoti; “Zot-o zot më duket/kaq e varfër pena/kur shkruaj e shkruaj/për këta legena!
Gjithmonë ju kam ndezur/zjarr edhe barut/po kollaj s’pastrohet/i gjithë ky mut!”( http://www.gazetadita.al/vargjet-kur-ferkon-idrizin-dhe-perz...).
s.z