Debat "bruto" nga Parlamenti. Sulme personale “pa frena” mes Kodhelit dhe Imamit

Përballja parlamentare mes ministres Mimi Kodheli dhe ish-ministrit të Mbrojtjes, Arben Imami ka prodhuar një debat të personalizuar, të cilit nuk i kanë munguar edhe fyerjet. Duke folur para deputetëve për kallëzimin penal që është bërë ndaj ish-titullarit të Mbrojtjes, Kodheli hodhi poshtë akuzën se bëhet fjalë për një urdhër nga kryeministri Edi Rama. “Marrëdhënia ime me kryeministrin nuk është marrëdhënie pronar-çirak. Edhe mua edhe Edi Ramën na urdhëron ligji dhe vendimet që marrim të gjithë së bashku në unitet dhe në këtë unitet na mbajnë vlerat dhe parimet e familjes sonë politike. Nuk ka nevojë të jesh psikolog për të parë frikën në çdo rresht të deklaratave të ish-ministrit. Cilidodo të ishte, do ishte shumë i frikësuar po të ishte në vendin e tij sot, sepse ai e di më mirë se çfarë zullumi mund të ketë bërë...Sa për politikën unë besoj që ju e keni humbur shansin që ditën që hipët mbi tank për të gjunjëzuar Berishën dhe pastaj zbritët nga tanku dhe u gjunjëzuat para tij”, tha Kodheli. Por si iu përgjigj Imami ministres? “Zbuloni çfarëdo që të mund të zbuloni. Ajo që është e pafalshme është sulmi ndaj personit. Sulmet ndaj personit janë të vazhdueshme nga partia juaj prej dy vjetësh. Veproni gabim kur flisni për njerëz apo jepni mendime për njerëz. Të gjithë e dinë si ikët nga posta në vitin 1990 brenda 24 orëve për të mos u ballafaquar me drejtësinë. Mos kujto se e di vetëm ti dhe jo ne të tjerët, se si ke ikur nga Banka Amerikane. Marrëdhëniet tuaja me kryeministrin janë marrëdhënie të njohura, të gjithë e dinë që ju bërtiste nga WC: “Mimi mbaroi letra higjenike”, tha Imami.

Më shumë në: http://www.balkanweb.com/kryesore/1/padia-e-mm-kodheli-ish-ministri-i-frikesuar--imami-te-gjithe-e-dime-si-te-therriste-rama-163091.html

s.z