Biberaj: Do bashkoj demokratët. Patozi: Refuzoj me neveri sharlatanët

Dy deklarata në distancë dhe pa emra të përveçëm, e kanë nxehur që herët, (sado që vetëm virtualisht) garën e brendshme për kryetarin e ri të PD-së këtë pasdite. Me anë të një njoftimi në fb, ish deputeti Aleksandër Biberaj pohon: “Pas inkurajimit që kam marrë gjatë këtyre ditëve nga shumë demokratë në të gjithë Shqipërinë, kam vendosur të shpall kandidimin për kryetar të Partisë Demokratike të Shqipërisë. Nëpërmjet kandidimit tim synoj të ringjall vlerat më të mira të demokracisë, të institucionalizoj mirë-funksionimin e demokracisë së brendshme, bazuar në konkurrencën e ndershme, në meritokracinë dhe kontributet e gjithësecilit… Synoj gjithashtu që të bashkoj të gjithë demokratët në këto ditë të vështira, duke respektuar vlerat dhe kontributin e gjithësecilit”.

Ndërsa nënkryetari aktual Astrit Patozi, duke pohuar moskandidimin e tij pasi është pjesë e përgjegjësisë së humbjes, shton se “do të vlerësoj dhe respektoj çdo kandidaturë dinjitoze, por do të hedh poshtë me neveri çdo sharlatan i cili përpiqet të përfitojë diçka në këtë proces, krejtësisht normal dhe demokratik”. Për kë ta ketë pasur vallë? S’ka nevojë për shumë imagjinatë.

Re.Pu