Berisha sqaron veten para mediave. Ngjan i keqardhur që Rama tha Jo-në e lëndëve kimike

Ish-kryeministri Sali Berisha e ka parë të udhës të flasë para mediave pas ngjarjeve të fundit. Ai është ndalur tek protesta kundër sjelljes së lëndëve kimike të Sirisë në Shqipëri, ndërsa është shprehur se “Protesta e të rinjve për armët kimike le të fryëmzojë shqiptarët, ajo ishte protestë historike”. Dhe i etur siç është për superlativa, shtoi: “Më e rëndësishmja në historinë e vendit, pas protestës së dhjetorit 1990”.
Berisha tha se Edi Rama ka gënjyer faktorin ndërkombëtar, pasi sipas tij, duke u bazuar tek deklarata e ambasadorit Arvizu në 14 nëntor dhe të Paul Walker-it, “Shqipëria kishte pranuar lëndët kimike të Sirisë”. “Këtë e tregon edhe fakti se pas mbledhjes së bordit për armët kimike nuk u përmend asnjë vend ku ato do të transportoheshin”, tha Berisha. “Ne jemi mbajtur si komb që mbajmë fjalën, por Rama bëri diçka që s’ka ndodhur kurrë në historinë e një shteti të lirë. Mbajti botën dy muaj në këmbë, vuri dhe kushte, siç ishte vizita në Shtëpinë e Bardhë, dhe pastaj të thotë se nuk i bëj. Ky është Rama”, tha deputeti demokrat.
Lexoni më shumë në linkun:  http://www.shqiptarja.com/home/1/berisha-ja-3-arsyet-pse-do-t--thoja-jo-p-r-arm-t-kimike-187664.html

a.k