Bazhdari nis hartimin e programit elektoral në bashkëbisedim me grupet e interesit; restaurohen varrezat katolike

Programin elektoral për drejtimin e ardhshëm të bashkisë së zgjeruar të Shkodrës në rast fitoreje, kandidatja e së majtës Keti Bazhdari do ta hartojë në bashkëpunim me 12 grupe interesi. Takime të njëpasnjëshme do të zhvillohen nga ana e kandidates dhe stafit të saj, dhe i pari ka nisur me përfaqësues të shoqërisë civile, mbi 40 drejtues organizatash të ndryshme. Si metodë e bashkëveprimit është zgjedhur “kontrata sociale” me qeverisjen vendore të ardhshme, në lidhje me shqetësime që deri sot nuk kanë marrë zgjidhje, si mungesa e transparencës në buxhet për shërbimet sociale, buxheti i papërfillshëm në shërbimet komunitare, injorim i nismave vullnetare e aq më tepër, mospërfillje edhe kur bëhet fjalë për tërheqjen e fondeve të BE-së. Ministrja e Kulturës, Kumbaro, në këtë frymë njoftoi miratimin e projektit të restaurimit të varrezave katolike të Rrmajit, ku prehen edhe Marubi e Kol Idromeno.

a.k