Bardhyl Londo bën mea culpa që s’e ka mbrojtur Kadarenë në vitin e largët 1982

Poeti e shkrimtari Bardhyl Londo ka shkruar një libër kujtimesh me titullin ‘Jeta që na dhanë’. Agron Gjekmarkaj ka bërë një koment mbi këtë libër, dhe e ka publikuar tek Panorama e sotme. “Qysh në fillim shkrimtari ka bërë një betim pothuaj mbi bibël: ai shpall se çdo gjë që thotë është e vërtetë dhe vetëm e vërtetë”, na bën me dije studjuesi i letërsisë, Gjekmarkaj, të cilit i ka tërhequr vëmendjen më së shumti mea culpa e Londos lidhur me në ngjarje të dia dekadave më parë. Ka qenë viti 1982, kur Ismail Kadaresë i lexohej, sipas Londos, pretenca penale nga kolegët e tij të letrave e nga shefat e tyre partiakë për romanin ‘Nëpunësi i pallatit të ëndërrave’. Të gjithë e braktisën pas mbledhjes, thotë autori i librit, dhe ka regjistruar në kujtesë Kadarenë që ka zbritur fillikat shkallët e pallatit të kulturës. Askush nuk e mbrojti në mbledhje, askush nuk e shoqëroi pas mbledhjes. As ,Londo vetë. E bash për këtë ai bën mea culpa pas 30 vitesh.

Re.Pu.