Ateisti i përmendur nga Rama është ..... Much Nano

Kryeministri Rama shtroi mbrëmjen e së martës një Iftar me rastin e muajit të Ramazanit në Kryeministri, ku morën pjesë përfaqësues të besimeve fetare si dhe përfaqësues të trupit diplomatik të akredituar në Tiranë, artistë dhe gazetarë. Në fjalën e tij Rama tha se tryeza e iftarit është një tryezë ku mund të mblidhen së bashku njerëz të besimeve të ndryshme fetare, por edhe ata që nuk besojnë. “Më bëri përshtypje refuzimi i ftesës nga një njeri i ditur i cili me mirësjellje i tha protokollit të kryeministrisë se ishte ateist dhe si i tillë nuk mund të ulej në një sofër si kjo e kësaj mbrëmje, absolutisht asnjë arsye për tu ndjerë të lënduar me refuzimin e mikut në fjalë, po sigurisht, një mundësi për të reflektuar nëse ka apo nuk ka vend për ateistët në sofrën e iftarit”, u shpreh Rama. Kreu i qeverisë theksoi se, “kjo pjesëmarrje është një mundësi e veçantë për të përjetuar dhe krijuar një hapësirë bashkëjetese. Kjo është një atmosferë e posaçme që krijohet në një hapësirë si kjo”. Burime nga brenda të ftuarve të Ramës konfirmuan për Respublica identitetin e ateistit të Ramës. Bëhet fjalë për analistin dhe gazetarin e njohur Much Nano, njëherazi dhe themelues i Respublica. Respublica provoi të kontaktonte me Much Nanon për të konfirmuar këtë version mbrëmjen e së martës por nuk arriti dot...Kohët e fundit Much Nano ka qenë goxha aktiv ne temat fetare. Mund të kujtojmë që vitin e kaluar ai botoi librin Pax Albania ku trajtohej tema e harmonisë fetare në Shqipëri si dhe kohët e fundit ka realizuar edhe një show në të cilin ka ligjëruar mbi temat fetare me një fokus të veçantë mbi ateizmin.