Amerikanët në sondazhe rezultojnë shumë injorantë mbi çështjet ndërkombëtare

Washington Post pas faktit 'enigmatik' të nxjerrë nga sondazhet muajin e kaluar se 15% e republikanëve në Ohio besojnë se Mitt Romney ka bërë më shumë (!!) se Barack Obama për vrasjen e Osama bin Laden, ka studiuar më hollësisht publikun amerikan. Uri Friedman nxjerr dhe disa statistika të tjera të habitshme, dhe e konsideron se ka një përzierje mes injorancës e vetë-gënjimit në këto përgjigje:

41 % e amerikanëve besojnë se Kina është fuqia udhëheqëse ekonomike në botë, sipas një sondazhi të Pew 2012 (përgjigjia e saktë është: Shtetet e Bashkuara, që e gjetën vetëm 40 % e të anketuarve në sondazhin e Pew zgjedhur).

• 73 % e amerikanëve nuk e dinë se “komunizmi” ishte shqetësimi kryesor i Amerikës gjatë Luftës së Ftohtë, sipas Newsweek, (e cila bazohej në një sondazh zyrtar mbi shtetësinë të vitit 2011)

• 9 % e amerikanëve kanë frikë të vazhdueshme se mos bëhen viktima të terrorizmit, sipas një sondazhi të AP-GfK më 2011 (Revista “Reason” ka llogaritur se shanset për t'u vrarë nga një terrorist janë afërsisht një në 20 milionë, dhe se ka 4 herë më shumë gjasa të të vrsaë rrufeja sesa terrorizmi).

• Gati 25 % e amerikanëve nuk e dinë se Shtetet e Bashkuara pavarësinë e shpallën nga Britania e Madhe (sipas një sondazhi të 2011 nga Marist)

• 71 % e amerikanëve besojnë se Irani tashmë ka armë bërthamore, sipas një sondazhi të 2010 nga Research CNN / Opinion Corporation.

• Amerikani mesatar mendon se Shtetet e Bashkuara shpenzojnë 27 % e buxhetit federal për ndihmën e huaj, sipas një sondazhi të 2010 nga World Public Opinion (shifër që nuk është më shumë se 1 %).

• 33 % e amerikanëve besonin se Sadam Huseini ishte i përfshirë personalisht në sulmet e 9/11 në një sondazh të 2007, të krealizuar nga News CBS / New York Times (ky numër ishte 53 % në 2003).

• 88 % e të rinjve amerikanë nuk mund të gjejnë Afganistanin në hartë, 75 % nuk mund të gjejnë Iranin apo Izraelin, dhe 63 % nuk mund të identifikojnë Irakun, sipas një sondazhi të 2006 nga Roper Public Affairs/National Geographic Society.

* Uri Friedman është një redaktor i asociuar tek Foreign Policy.