7 vjet burg për Berluskonin për akuzën e seksit me minorene

Shumë websit-e, gazeta online dhe të shkruara midis të cilave edhe BBC së cilë i jemi referuar, lajmin për dënimin e Berluskonit e kanë venë në vend të dukshëm. Në lajm midis të tjerash thuhet se pas disa shkallësh të gjyqësorit, më në fund, ish- kryeministri Italian, Silvio Berluskoni  është gjetur fajtor për akuzën e seksit me një prostitutë minorene dhe abuzim me detyrën.

Ai është dënuar me shtatë vite burg dhe do t’i ndalohet edhe marrja e posteve publike, në varësi të rezultatit të apelit.

76- vjeçari ka mohuar të gjitha akuzat ndaj tij.

Në tetor të vitit të shkuar Berluskoni është dënuar me katër vite burg për mashtrim me taksat.

Zh.