“Gazeta Shqiptare” thotë se për sigurinë e kryeministrit Rama është vënë në mbrojtje një nga efektivët më të mirë të RENEA-s

Kryeministrit i shtohet mbrojtja trupore. Në eskortën që shoqëron kryeministrin e vendit, Edi Rama, janë shtuar edhe efektivët e forcave speciale. Burime të sigurta nga policia, sqarojnë për “Gazeta Shqiptare” se në radhët e eskortës së kreut të qeverisë është shtuar edhe një efektiv i repartit RENEA.  Burimet thonë për “Gazeta Shqiptare” se nuk ka ndryshime në mënyrën me të cilën ruhet kryeministri. “Është po i njëjti numër makinash dhe shoqëruesish,” thanë ata. Por “Gazeta Shqiptare” raporton se në radhët e eskortës së Ramës tashmë është edhe një nga efektivët më të mirë të RENEA-s, i cili është bërë pjesë e eskortës që shoqëron kreun e ekzekutivit vetëm pak ditë më parë. Efektivët e këtij reparti kërkohen vetëm në rastet kur ka sinjale se mund të cenohet një personalitet apo një objekt i veçantë.