“Femrat” e Koloretos, një sipërmarrje e qëlluar

“Operacioni” i Koloreto Cukalit ka pasur një “happy end”, jo thjesht sepse formula e prodhimit të një filmi, që ai si skenarist dhe producent qëlloi e sukseshme. Komedia romantike “Femrat” me protagonist Ermal Mamaqin e Enxhi Cukun, me regjisore Rudina Vojvodën dhe drejtori i fotografisë, Adam Pray, është pritur shumë mirë jo vetëm të enjten e kaluar në premierë, por edhe në kinematë e Tiranës. “Vështirësia më e madhe  ishte të bindësh staf dhe aktorë që të kontribuojnë pa para në një film, duke dhënë nga koha e tyre dhe aftësitë e tyre, është njëra pjesë. Pjesa tjetër është që Shqipëria është një “puzzle” plot të papritura edhe kur ke 1 milion euro buxhet, jo më kur ke 100 herë më pak. Për fat, miku dhe bashkëproducenti im, Adam Pray, njëherësh dhe drejtor fotografie në film, arriti të sigurojë një postproduksion shumë cilësor në Nju Jork”, ka thënë Kolo për gazetën Dita. Në fakt, 95 minuta me batuta të njëpasnjëshme janë një ftesë e këndshme për shikuesit, të cilët ne i inkurajojmë ta shohin filmin, jo pse Cukali është bashkëpunëtor i Respublica-s, por sepse vërtet ja vlen.

a.k