Në Tuluzë ‘e kanë marrë shtruar’: rrethimi vazhdon

U mendua që sot në mëngjes francezët do të zgjoheshin me lajmin se Mohammed Merah që dyshohet, e që pretendon, të ketë kryer vrasjet në shkollën hebraike, do të ish kapur i gjallë, siç ka urdhëruar Presidenti Sarkozy. Por nuk ka ndodhur kështu. Deri para pak minutash agjencitë e lajmeve vijonin të informonin se i dyshuari mbetet i rrethuar nga më shumë se 300 policë e se deri në mesnatë kishin vijuar negociatat me të rrethuarin. Pas mesnatës janë dëgjuar shpërthime në pallatin ku banon 24 vjeçari me shtetësi fvranceze e me origjinë algjeriane, por nuk dihet nëse ai është vrarë. Ky i fundit ka refuzuar të gjitha herët të dorëzohet, dhe është betuar se në apartamentin e vet do ta gjejnë  të vdekur me armë në dorë. Është shumë i lumtur që “ka mundur të gjunjëzojë Francën”.

Re.Pu.