Blushi i kërkon Janullatosit të flasë shqip dhe çuditet si ai nuk mësoi dot mjaftueshëm për 23 vjet

Deputeti dhe shkrimtari Ben Blushi shkruan se ishte i pranishëm dje në meshën e Pashkëve ortodokse të mbajtur nga kryepeshkopi Anastas, por për fat të keq, "gjithë kërshëria ime për të marrë një leksion të lartë liturgjik u shua që kur Anastasi filloi të fliste. Jo sepse ato që tha sërish nuk arritën të më bindin, por sepse ato që tha, i tha në një gjuhë që unë nuk e njoh: në greqisht". Në një shkrim tek Lapsi.al me titull "Kur do flasë Anastasi shqip?", Blushi eksploron arsyen përse Janullatos nuk mësoi mjaftueshëm shqip për 23 vjet,dhe a mund të ketë ai më pak aftësi se gati 1 milion shqiptarë që kanë emigruar në Greqi dhe që e kanë bërë greqishten gjuhën e tyre të punës, të shkollës, të shtëpisë dhe të jetës. "Pse ata nuk refuzojnë të flasin greqisht në punët e tyre të përditshme? Çfarë ndryshimi ka Anastasi nga ata?", shkruan Blushi.    a.k