“Dita” flet për projektin që do shndërrojë Pashalimanin në ‘thertore’ anijesh. Dritan Hila aludon në facebook që Shqipëria mund të kthehet si Bangladeshi, me një natyrë të shkatërruar nga çmontimi i anijeve

Po të lidhësh këto dy fakte, të cilat po i trajtojmë më poshtë, kushdo mund të dali në një përfundim të tijin. Dhe ndoshta pikërisht prej kësaj, një zyrtar i lartë i shtetit, pra i qeverisë, ka preferuar më mirë të largohet nga pozicioni i mëparshëm i tij. Po çfarë ndodh:

Në një shkrim të sajin me titull “Një projekt për ta shndërruar Pashalimanin në “thertore” anijesh të vjetra?”, e përditshmja “Dita” thotë se tanimë në Pashaliman, një prej bazave ushtarake më të vjetra të Evropës, ka mbërritur lajmi për ta kthyer Kantierin e Ndërtimit të Anijeve në kantier për prerjen e anijeve të vjetra. Burime të “Dita” bëjnë me dije që midis Ministrisë së Mbrojtjes dhe përfaqësuesve të një kompanie amerikano-izraelite, po diskutohet mundësia për të përdorur Kantierin e Ndërtimit të Anijeve në bazën e Pashalimanit si kantier për prerjen e anijeve të huaja.

Ndërkohe në rrjetin social facebook, ish-ministri i mbrojtjes Dritan Hila, i dorëhequr vetëm pak ditë më parë por pa bërë publike arsyet, jepte disa foto të nga Bangladeshi me motivin se si përfundon vendi kur merret me demontime anijesh të vjetra. “Pamje nga Bangladeshi, - shkruan Hila në faqen e tij. – vendi lider në botë i demontimit të anijeve.  Një peizazh që të ‘le pa frymë’ dhe tregon se çfarë njeriu mund ti punojë natyrës.., d.m.th vetes”.