Nëntë deputetët e inkriminuar që SHBA nuk i do, sipas një portali online pranë PD-së

Një portal online pranë Partisë Demokratike, ekspres.al, që herë pas herë publikon si editoriale apo artikuj shkrimet e deputetit Sali Berisha në facebook-un e tij, sipas burimeve të veta konfidenciale pranë Kuvendit, ka zbuluar nëntë deputetët shqiptarë që dyshohet se janë futur në “listën e zezë” të Shteteve të Bashkuara të Amerikës. Anullimi i takimit të ambasadës së SHBA me Grupin e Miqësisë Shqipëri – SHBA, është bërë për shkak se në përbërje të tij ka elementë të inkriminuar, që sipas portalit janë të gjithë deputetë të mazhorancës PS-LSI, mes tyre edhe një grua. Bëhet fjalë për deputetët Artur Bushi, Pjerin Ndreu, Mark Frroku, Tom Doshi, Paulin Sterkaj dhe Esmeralda Shkjau nga PS dhe Shkëlqim Selami, Gjovalin Kadeli e Luan Duzha nga LSI.

a.k