Dash Peza kundërshton Ben Blushin: Rama shoku im, jo i Tom Doshit

“Panorama” boton sot një intervistë të deputeti socialist Dash Peza i cili thotë se Tom Doshi nuk është shok i Edi Ramës, por një bashkëpunëtor i tij për çështjet zgjedhore në zonën e Shkodrës. Sipas Pezës, debati i Blushit me Ramën në mbledhjen e Grupit ishte i panevojshëm, ndërsa shprehet se nuk ka arsye të qenësishme që Ilir Meta të japë dorëheqjen. “Unë kam 20 vjet që e kam shok Edi Ramën, po nuk kam pas ndonjë shoqëri të veçantë me Tom Doshin dhe nuk kam qenë kaq shpesh, domethënë jeta e ka ndarë që me Ramën të kemi ndenjur shumë, ndërsa me Tomën mund të them që mund të kem ndenjur pesë a gjashtë herë. Nuk më duket që Rama dhe Doshi kanë qenë kaq shumë shokë, kanë qenë bashkëpunëtorë po, Toma ka pas një rol shumë të rëndësishëm elektoral në zonën e Shkodrës dhe ka qenë një bashkëpunëtor pa diskutim i Kryeministrit dhe një nga anëtarët e Grupit Parlamentar. Por shok… nuk do ta quaja”, tha deputeti Dash Peza.

l.v.

http://ëëë.panorama.com.al/dash-peza-kunder-blushit-rama-eshte-shoku-im-jo-i-tom-doshit/