Edi Rama sonte në mbrëmje në TV italian "La 7". Kush është kryeministri i Shqipërisë mysafir i “Dyndjeve Barbare”

Një background i shkëlqyer për të prezantuar kryeministrin shqiptar Edi Rama. Agjencia italiane “ilsussidiario.net” ka bërë me dije se mbrëmjen e sotme kreu i qeverisë shqiptare do të jetë i pranishëm në një emision të rëndësisë së veçantë, me fokus “Dyndjet Barbare”. Siç bëjnë me dije i njëjti rrjet mediatik, i ftuari do të jetë i pranishëm në një faqe interesante rreth politikës së brendshme në episodin “Dyndjet barbare”, emisionit televiziv të formatit talkshow drejtuar nga Daria Bignardi në ekranin italian “La 7” mbrëmjen e sotshme. Ja si e përshkruan kjo media italiane kryeministrin shqiptar, me një biografi përfaqësuese për shqiptarët.

Në fakt, në studio do të jetë edhe vetë kryeministri i Shqipërisë Edi Rama. Ai ka lindur në kryeqytetin shqiptar, Tiranë, në korrik 1964. Dhe mes anëtarëve themelues të Lëvizjes për Demokraci, një nga grupet që ka udhëhequr demonstratat popullore që pasuan me rënien e kompanive piramidale në vitin 1997, në të cilin shumë qytetarë shqiptarë kishin depozituar kursimet e tyre, duke i besuar një pasurimi të shpejtë por që më pas rezultoi i gënjeshtërt. Pesë vjet më parë, Rama u dallua për “Refleksione”, një libër bashkëshkruar me të ndjerin Ardian Klosi, në të cilën ai ofroi një seri të recetave mbi fatin politik dhe ekonomik të vendit. Përveç njohjes së tij me shkrime në shumë revista lokale, artikujt e tij u shfaqën dhe në revista të rëndësishme ndërkombëtare si “New York Times”, “The Indipendent”, “The Guardian” dhe “Frankfurter Allgemeine Zeitung”. Pikërisht në periudhën pas revoltës, pas kthimit të socialistëve në pushtet, ai mori udhëheqjen e Ministrisë së Kulturës, Rinisë dhe Sporteve, mbajtur deri në vitin 2000.

Ishte po ky vit kur ai kandidoi për Kryetar Bashkie të Tiranës, duke mundur Besnik Mustafaj me 61% të votave. Në të njëjtin vit, Edi Rama iu bashkua Partisë Socialiste të Shqipërisë, e cila mori epërsi pas dorëheqjes së ish-liderit Fatos Nano, zhvilluar në vitin 2005. Dy vjet më vonë, Rama triumfoi sërish në zgjedhjet vendore në Tiranë, këtë herë kundër rivalit të djathtë politik, Sokol Olldashi nga Partia Demokratike. Por në fakt, këtë post ai e humbi në vitin 2011, kur rizgjedhja e tij për herë të katërt u pengua nga Lulzim Basha, kreu i koalicionit “Aleanca për qytetarët”. Një zhgënjim i pjesshëm i zhdukur  dy vjet më vonë, kur Edi Rama i çoi përsëri socialistët në fitore, këtë herë me zgjedhjet parlamentare, duke zhvendosur nga ky post ish-kryeministrin Sali Berisha.

Rama është figurë me një prestigj të madh edhe ndërkombëtarisht. Në vitin 2004 ai u emërua kryetari i Bashkisë së Botës në një sondazh në internet, ndërsa në vitin e ardhshëm u fut në listën e 37 njerëzve të zgjedhur nga “New York Times” mes atyre që po janë duke e ndryshuar botën për mirë. Ai gjithashtu ka shërbyer në bordin e drejtorëve të Fondacioneve të Shoqërisë së Hapur, fondacion i themeluar dhe financuar nga George Soros, dhe është tani anëtar i Këshillit Konsultativ Rajonal të Programit për Zhvillim të Kombeve të Bashkuara.

L.Veizi

http://www.ilsussidiario.net/News/Cinema-Televisione-e-Media/2015/2/18/EDI-RAMA-Chi-e-il-Primo-ministro-dell-Albania-ospite-de-Le-invasioni-barbariche/583061/