Ministri grek i Ekonomisë i thotë kreut të Eurogrup: “Trojka është një komitet joserioz anti-europian. Nuk do të bashkëpunojmë më me të”

Një takim i tensionuar ka qenë ai i zhvilluar në Athinë mes ministrit grek të Ekonomisë, Yanis Varufakis dhe kreut të Eurogrup, Jeroen Dissebloem. Jo vetëm mediat greke, por edhe ato ndërkombëtare i kanë bërë jehonë këtij takimi, duke e ilustruar me foto që flasin sa mijëra fjalë. Ministri grek ia ka prerë shkurt zyrtarit të lartë holandez, duke i thënë: “Trojka është një komitet joserioz anti-europian. Nuk do të bashkëpunojmë më me të”. Pas kësaj deklarate, kreu i Eurogrupit është ngritur dhe mes një sikleti mezi i dha dorën ministrit grek. Ky i fundit, shfaqi një sjellje të çuditshme. Teksa i zgjati njërën dorën zyrtarit holandez, tjetrën e mbante në xhep. Kur po dilnin nga salla, futi dhe dorën tjetër në xhep, ndërsa këmisha e tij pa kravatë ishte lënë e lirë sipër pantallonave, çka s’i shkon përshtat staturës së një ministri. Kjo ka bere jehone negative në mediat botërore.

l.v