Nismë ligjore e deputetes Majlinda Bregu: “Të fshihen komentet fyese për gratë dhe vajzat në mediat online”. Me sa duket meshkujt mbeten i vetmi objektiv

Kërkohet barazi gjinore, por në fakt nuk është e sigurtë sesa mund të arrihet kjo me diferencim ligjor. Një vërejtje e kësaj natyre mund të lindë natyrshëm teksa është bërë publike një nismë e deputetes demokrate Majlinda Bregu, sipas së cilës mediat online, duhet të detyrohen me ligj të fshijnë komentet fyese ndaj grave dhe femrave. “Kam depozituar sot kërkesën për dy nisma ligjore, ndryshime. E para ka të bëjë me shqetësimin e vazhdueshëm, që secila nga ne që është figurë publike, por jo vetëm, çdo grua dhe vajzë ka mbi raportimet dhe komentet që bëhen në faqet e medieve ‘on line’. Është shkelje e dinjitetit, personalitetit dhe imazhit të një gruaje, ndaj kam propozuar sot ndryshimin për kodin civil, që do të thotë se në media ‘on line’ është e detyruar ose do jetë e detyruar të fshijë komentet denigruese për gratë dhe vajzat në faqet e tyre”, tha Bregu në takimin e mbajtur në Kuvendin e Shqipërisë me tematikë “Dhuna kundër Gruas”, e ku kanë marrë pjesë deputetet e Kuvendit(http://www.gazetadita.al/bregu-te-fshihen-nga-mediet-on-line...). Që komentet fyese duhen fshirë, kjo është kërkesë normale dhe përligjur, por që të përcaktosh me ligj mbrojtjen e gjysmës së shoqërisë, duke e kufizuar përkufizimin juridik të saj në kuptimin e një grupi, është deri diku vetëdiskriminuese. Për të mos lënë pastaj mënjanë se përse ligji duhet të mos sigurojë mbrojtjen e të gjithëve.
s.z