Kryeministri do të kallëzojë penalisht kreun e Grupit Parlamentar Edi Paloka. “Po dha një provë, jap dorëheqjen”

Kryeministri Edi Rama ka njoftuar sot se do të ndjekë në rrugë gjyqësore akuzat e bëra nga selia e Partisë Demokratike lidhur me përplasjen me armë në rrugën e Kavajës, ngjarje që implikoi edhe Emiljano Shullazin. Akuzat për përfshirjen indirekte të Edi Ramës në mbrojtjen e këtij grupi kriminal, nga PD-ja i ka bërë kreu i Grupit Parlamentar, Edi Paloka, ndaj të cilit do të bëhet edhe padia. “Nisur nga shpifjet përtej çdo caku të Kryetarit të Grupit Parlamentar të PD, Edi Paloka, Kryeministri Edi Rama ka ngarkuar Zyrën Juridike të Kryeministrisë që të përgatisë ballafaqimet penale dhe civile të shpifësit në fjalë, qoftë në Prokurorinë e Përgjithshme qoftë në Gjykatën e Lartë. I kallëzuari dhe i padituri Edi Paloka, duhet të japë prova për çka ka thënë sot dhe qoftë edhe përballë një prove të vetme, Kryeministri Edi Rama është i gatshëm të lërë detyrën”, thuhet në njoftimin e kryeministrisë.
s.z