“Masakra e Borovës”, ambasadori Hoffman: Çdo gjermani i vjen turp për këtë

Drejtues të pushtetit vendor të Ersekës, deputetë dhe ambasadori gjerman Helmut Hoffman kanë zhvilluar homazhe në nderim të 107 martirëve të vrarë në “Masakrën e Borovës”, me rastin e 71-vjetorit të vdekjes së tyre.  

“Nuk është e lehtë për një gjerman të marrë pjesë në një ceremoni të tillë. E kisha vendosur që të vija këtu .Në Gjermani s’ka persona gjallë që të mbajnë përgjegjësi për këtë. Ne të tjerët nuk jemi fajtorë për këtë. Çdo gjermani i vjen turp për këtë” ka deklaruar Hoffman.  Për këtë ngjarje, edhe pasardhësi i një prej ushtarëve pjesëmarrës në masakër ka kërkuar publikisht falje në ceremoninë përkujtimore të një viti më parë.

Masakra e Borovës ka ndodhur në vitin 1943. Trupat e ushtrisë gjermane, pasi u sulmuan nga partizanët në fshatin Barmash, u tërhoqën në Borovë ku masakruan me bajoneta burra, gra e fëmijë që ndodheshin në fshat. Kjo cilësohet si një ndër masakrat më të mëdha në vend, ndaj edhe zyrtarët shqiptarë po diskutojnë mundësinë që Borova marrë statusin e fshatit “martir”.

Lexo:

http://www.shqiptarja.com/Aktualitet/2731/masakra-e-borov-s-hoffman--do-gjermani-i-vjen-turp-p-r-k-t--224792.html

http://www.sot.com.al/politike/masakra-e-borov%C3%ABs-hoffman-kjo-ceremoni-p%C3%ABrkujtimore-%C3%ABsht%C3%AB-nj%C3%AB-shenj%C3%AB-pajtimi

n.k