Zbulohet një varr masiv me 250 trupa të viktimave në Rashkë të Serbisë

Fati, megjithëse i zi, iu ka buzëqeshur dhe është disi ngushëllues për qindra familjeve kosovare me zbulimin këto ditë të varrit masiv në Rashkë të Sërbisë, ku mund të jenë trupat e 250 shqiptarëve të vrarë gjatë luftës. Ekspertët vendas dhe evropian të mjekësisë ligjore, thanë se janë gjetur rroba dhe eshtra të viktimave të luftës në Kosovë, gjatë gërmimeve në një varrezë të dyshuar në qytetin e Rashkës në jugperëndim të Serbisë, jo fort larg kufirit me Kosovën. Gërmimet filluan të martën më dhjetë dhjetor. Udhëheqësi i ekipit eksperteve të Departamentit të Mjekësisë Ligjore, Arsim Gërxhaliu, paralajmëroi se do të vazhdojnë kërkimet në atë zonë ku besohet se nën themelet e një godine ka ende trupa të personave të zhdukur gjatë luftës në Kosovë.

Varreza më e madhe është zbuluar në vitin 2001, në Batajnice afër Beogradit, ku në terrenet e stërvitjeve të forcave të posaçme serbe u gjetën trupat e 800 shqiptarëve të Kosovës. Kosova doli nga lufta me mbi 10 mijë të vrarë dhe mbi 5 mijë të zhdukur. Edhe 14 vjet pas përfundimit të luftës në Kosovë mbetet i panjohur fati i mbi 1 mijë e 700 personave, pjesa më e madhe e të cilëve të përkatësisë kombëtare shqiptare.

Zh.