Pas 14 vjetësh francezët largohen nga Kosova

Ushtarët francezë të KFOR-it do të largohen nga zona e Mitrovicës. Pas më shumë se 14 vjetësh, duket se Parisi do të heqë dorë nga prezenca e vet në Kosovë. "Koha Ditore" citonte sot sekretarin e Përgjithshëm, Rasmussen, i cili paralajmëroi zëvendësimin e trupave franceze me forca të tjera të NATO-s. Ky veprim reflekton zhvillimet e reja në rajon, sidomos arritjen e marrëveshjes mes Serbisë dhe Kosovës pak muaj më parë dhe e cila shikohet si akt i konfirmimit të njohjes praktike të krahinës shqiptare nga Beogradi. Po kështu, një tjetër zhvillim janë edhe zgjedhjet lokale në Kosovë, që u konsideruan si arritje edhe nga Serbia, sikurse edhe deklarimi i Stefan Fules se "në të ardhmen, Kosova dhe Serbia do të arrijnë marrëveshje të tjera".
S.z