Letoni, ndodh një aksident dhe kryeministri jep dorëheqje

Mediat ndërkombëtare flasin sot për dorëheqjen e kryeministrit të Letonisë, Valdis Dombrovskis, për shkak të rrëzimit të një qendre tregtare në kryeqytetin Riga. Në këtë aksident kanë humbuar jetën 54 vetë dhe janë plagosur afro 40 të tjerë, një faturë njerëzore që e ka çuar kreun e qeverisë të dorëzojë aktin e dorëheqjes presidentit të vendit. Vetë ky i fundit ka vlerësuar se  rrëzimi i qendrës ishte “vrasje” dhe me këtë rast autoritetet kanë filluar hetime lidhur me shkaqet e këtij incidenti të rëndë. Është e qartë se lajmi këtu në Shqipëri është dorëheqja më shumë sesa aksidenti, ndonëse e natyrshme është e kundërta. Pse-në e kësaj përmbysjeje “informative” mund ta gjejmë nga përvoja jonë me politikën, por edhe nga mentaliteti i përbashkët që marrjen e përgjgjësive përmes hapjes së rrugës shpesh e konsiderojmë dobësi.

s.z