Legalistët “rrëzojnë” Ekrem Spahinë, pas dy votimesh PLL drejtohet nga Gjana

Postuar në 25 Nëntor, 2013 13:23

Një proces zgjedhor me raunde dhe me numërim strikt votash të Kuvendit Kombëtar, ka nxjerrë në drejtim të Partisë Lëvizja e Legalitetit për katër vitet e ardhshme, kryetarin e ri Sulejman Gjana. Gjana është bërë i zëshëm sidomos vitin e fundit në emisionet televizive politike, si përfaqësues i PLL-së, kryesisht në debatet mbi figurën e mbretit Ahmet Zogu. Kuvendi Kombëtar i kësaj force politike, i mbledhur dje, ka vendosur të “ndëshkojë” kreun e PLL-së që nga viti 1998, Ekrem Spahia, duke mos i dhënë votat e duhura për një mandat të ri katërvjeçar. Gazeta Panorama shpjegon se në raundin e parë të votimit u regjistruan katër kandidatë. Ekrem Spahia zyrtarizoi kandidaturën vetëm gjatë ditës së djeshme në Kuvend, kur mblodhi 25% të firmave të delegatëve. Pas votimit të 212 delegatëve, Sulejman Gjana, deri dje nënkryetar i PLL-së, mori 85 vota, Ekrem Spahia 78 vota, Murat Basha 26 vota dhe Agim Kraja 23 vota. Sipas statutit të PLL-së, nëse asnjëri nga kandidatët nuk merr 50% plus 1 të votave të vlefshme, bëhet një raund i dytë me kandidatët që kanë marrë më shumë vota. Në këtë raund Sulejman Gjana arriti të marrë 109 vota, kundrejt 92 votave që mori Ekrem Spahia, ndërsa një votë doli e pavlefshme. Në këtë mënyrë, pas 15 vitesh Partia Lëvizja e Legalitetit do të ketë një kryetar të ri. PLL-ja bëhet kështu e para forcë politike e atyre që quhen parti të vogla që ndryshon kryetarin, që nga krijimi i tyre.

Gjana është me origjinë nga Bicaj i Kukësit, por lindur dhe rritur në Bruksel. Është diplomuar për shkenca tregtare e konsullore dhe ka master në administrim biznesi.

a.k

Comments

Submitted by Albi (not verified) on

<p>Ne fakt PLL-ja behet e para force politike shqiptare qe te nderroje kryetarin ne fuqi megjithese ai nuk jep doreheqjen. Eshte gati e pabesueshme ne fakt qe dicka e tille te ndodhe ne Shqiperi...&nbsp;</p><p>Qofte nje lajm i mire dhe ju hapte rruga partive te tjera.&nbsp;</p>

Submitted by bbb (not verified) on

<p>Bravo i qofte Partise se Ilegalitetit...Megjithate per Ekremin them se e meritonte te ish kryeatr i Ilegalistve dehe per nja 16 vjet te tjera, aepse ai i plotson gjithe kushtet per kryetar:</p><p>1. eshte me 4 klase fillore.&nbsp; 2.eshte njeri qe ka dhene prova per shkelje ligji dhe kushtetute&nbsp; 3.nuk njef cipe dhe moral&nbsp; 4. ka njohuri te thella nga historia e Matit dhe fshatrave perreth&nbsp; 5. edhe pse thote se eshte kryetar i partise se me te vjeter shqiptare, ai me partine e vet skane marre kurre me shume se 2000 vota&nbsp;</p>

Submitted by bbb (not verified) on

<p>Gjana...A ke patente makine ti? Kur do besh nje xhiro nga Elbasani??</p>

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.